ភ្នំពេញ៖ ជនសង្ស័យម្នាក់ជិះម៉ូតូធ្វេីសកម្មភាពឆក់ការបូបលុយពីស្ត្រីម្នាក់បានសម្រេចហេីយគេចខ្លួនបាត់ដោយសុវត្តិភាពចំណែកជនរងគ្រោះដួលរងរបួសបែកមុខមាត់វង្វេងបាត់បង់ស្មារតី ។
ហេតុការណ៍នេះ បង្កការភ្ញាក់ផ្អេីលកាលពីវេលាម៉ោង១:៥០នាទី ថ្ងៃទី៤ ខែមករា ឆ្នាំ២០២៣ នៅចំណុចក្រោមស្ពានអាកាសចោមចៅ ភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះសុខ ស្រីមុំ ភេទស្រីអាយុ៣៥ឆ្នាំ ស្នាក់នៅភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ។ ទ្រព្យសម្បត្តិដែលជនសង្ស័យឆក់ការបូបយកទៅនោះមានលុយ២៧,០០០រៀល ទូរស័ព្ទម៉ាកoppoមួយគ្រឿង។
តាមប្រភពព័ត៌មានខាងលើបានឱ្យដឹងថា មុនពេលកេីតហេតុជនរងគ្រោះជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1FC 2225 ធ្វេីដំណេីរតាមបណ្តោយផ្លូវជាតិលេខ៤ក្នងទិសដៅពីលិចទៅកេីត ខណ:មកដល់ចំណុចក្រោមស្ពានអាកាសចោមចៅជាកន្លែងកេីតហេតុស្រាប់តែមានជនសង្ស័យម្នាក់ជិះម៉ូតូហុងដាឌ្រីមមិនចាំស្លាកលេខមកពីក្រោយក៏លូកឆក់យកការបូបនរងគ្រោះដែលស៊កដាក់ក្នុងហោប៉ាវខាងស្តាំបានសម្រេចហេីយគេចខ្លួនបាត់ចំណែកជនរងគ្រោះដួលបែកមុខមាត់វង្វេងស្មារតីបាត់ការចងចាំ។
ក្រោយកេីតហេតុសមត្ថកិច្ចបានចុះទៅដល់កន្លែងកេីតហេតុនាំមកដាក់ពាក្យបណ្តឹងនៅប៉ុស្តិ៍នគរបាលចោមចៅទី៣តែដោយសារសួនាំមិនកេីតក៏ឱ្យបងប្អូននាំយកទៅមន្ទីរពេទ្យព្យាបាលសិនចាំដាក់ពាក្យបណ្តឹងតាមក្រោយ៕
