ភ្នំពេញ៖ លោកស្រី តាំង ហ្គិចលៀង ក្រុមប្រឹក្សាភិបាលក្រុមហ៊ុន H & L Group និងត្រូវជាភរិយារបស់អ្នកឧកញ៉ា អ៊ឹង លីហេង អគ្គនាយកក្រុមហ៊ុន H & L Group និងជាប្រធានកិត្តិយសសមាគមមិត្តភាពពាណិជ្ជករចិនទាជីវនៅកម្ពុជា និងជាម្ចាស់ទស្សនៈ អ្នកមានគីឡូធ្ងន់ អ្នកក្រគីឡូស្រាល ត្រូវបានតែងតាំងជា “អ្នកឧកញ៉ា”។ នេះបើតាមព្រះរាជក្រឹត្យលេខ នស.រកត.០៦២៣. ១០៣៩ ចុះថ្ងៃទី០២ ខែមិថុនា ឆ្នាំ២០២៣ ។
ជាមួយគ្នានេះ លោកស្រី ក៏ធ្លាប់ទទួលបានការផ្ដល់គោរមងារតែងតាំងជា ឧកញ៉ា ដោយព្រះរាជក្រឹត្យលេខ នស.រកត.០៣២២. ២០១ ចុះថ្ងៃទី០៧ ខែមីនា ឆ្នាំ២០២២ ផងដែរ។
លោក តាំង ហ្គិចលៀង បានលើកឡើងប្រៀបធៀប ពីអ្នកមានគីឡូធ្ងន់ អ្នកក្រគីឡូស្រាល បានបង្កឲ្យមានប្រតិកម្មពេញបណ្ដាញទំនាក់ទំនងសង្គមហ្វេសបុក រហូតដល់ប្រមុខរាជរដ្ឋាភិបាលកម្ពុជា សម្តេច ហ៊ុន សែន បញ្ចេញសារឱ្យបជ្ឈប់ការវែកញែក និង ស្នើឱ្យលោកស្រីឈប់និយាយ និងបញ្ចេញជាមតិ ជាសាធារណៈផងដែរ ពាក់ព័ន្ទនឹងអ្នកមាន និងអ្នកក្រនេះ៕
