កំពង់ស្ពឺ ៖ ករណីគ្រោះថ្នាក់ចរាចរណ៍ដ៏រន្ធត់នៅលើផ្លូវជាតិលេខ៤ ចន្លោះគីឡូម៉ែត្រ១០៣-១០៤ ដោយរថយន្តបុកពីក្រោយរថយន្ត សរុបប្រមាណ០៩គ្រឿង ចំណុចចំណោទយាយម៉ៅពេជ្រនិល ភូមិទី៦ ឃុំយាយម៉ៅពេជ្រនិល បណ្តាល ឱ្យមនុស្សពីរនាក់រងរបួសធ្ងន់ និងម្នាក់ស្លាប់។
ស្នងការដ្ឋាននគរបាលខេត្តកំពង់ស្ពឹ ឱ្យដឹងថា នៅ ថ្ងៃទី០៦ ខែមិថុនា ឆ្នាំ២០២៣ វេលាម៉ោង១៤.២០នាទី នៅលើផ្លូវជាតិលេខ៤ ចន្លោះគីឡូម៉ែត្រ១០៣-១០៤ ត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ករណីគ្រោះថ្នាក់ចរាចរណ៍រវាងរថយន្តបុកពីក្រោយរថយន្តចំនួន០៩គ្រឿង ក្នុងដំណើរស្របទិសគ្នា បណ្តាលឲ្យគ្រោះថ្នាក់ ស្លាប់០១នាក់ស្រី_នៅកន្លែងកើតហេតុ របួសធ្ងន់០២នាក់ប្រុស និង ខូចខាតរថយន្ត៩គ្រឿងធ្ងន់។
ករណីនេះ កំលាំងនគរបាលចរាចរណ៍ នៃអធិការដ្ឋាននគរបាលស្រុកភ្នំស្រួច និងកំលាំងសង្រ្គោះ បានកំពុងធ្វើចរាចរណ៍នៅកន្លែងកើតហេតុ និងសម្របសម្រួលលេីករណីនេះកុំអោយកកស្ទះចរាចរណ៍ និងជួយសង្រ្គោះមនុស្ស៕
