ភ្នំពេញ៖ ថ្មីៗកន្លងទៅនេះ, មន្ទីរពេទ្យគន្ធបុប្ផាបានប្រកាសពីការទទួលបានជោគជ័យក្នុងការសង្គ្រោះជីវិតកុមារម្នាក់មកពីខេត្តតាកែវ ដែលរងគ្រោះដោយសារការឆាបឆេះបង្កមកពីការដុតសំរាមដែលមានលាយឡំសារធាតុរំសេវកាំជ្រួច និងបានបណ្តាលឱ្យរលាកដងខ្លួនប្រមាណ ៧០% ស្ទើរតែប៉ះពាល់ដល់អាយុជីវិត។
ក្រុមគ្រូពេទ្យនៃមន្ទីរពេទ្យគន្ធបុប្ផាបានខំព្យាបាលដោយការវះកាត់បក និងលាងស្បែក ចំនួន ១៦ដង និងប្រើប្រាស់ឈាមប្លាស្មាអស់ ៥ប្លោក ជាមួយនិងការថែទាំដិតដល់រយៈពេល៤៦ថ្ងៃ ទើបកុមាររូបនេះ រួចផុតពីសេចក្តីស្លាប់ និងអាចត្រឡប់ទៅផ្ទះវិញបានជាមួយស្ថានភាពប្រសើរ។
ក្រុមគ្រូពេទ្យនៃមន្ទីរពេទ្យគន្ធបុប្ផាក៏បានផ្តាំផ្ញើដល់អាណាព្យាបាលទាំងអស់ យកចិត្តទុកដាក់ថែទាំមើលការខុសត្រូវចំពោះកូនៗ ឲ្យបានម៉ត់ចត់ ដើម្បីចៀសពីគ្រោះថ្នាក់ផ្សេងៗ ជាយថាហេតុ។ «ការបរិច្ចាគរបស់លោកអ្នកពិតជាបានជួយសង្រ្គោះជីវិតកុមារនៅកម្ពុជា យ៉ាងពិតប្រាកដ»។
