ភ្នំពេញ ៖ លោក ឌី បូ ដែលត្រូវជាពូបង្កើតរបស់សម្តេច ហ៊ុន សែន នាយករដ្ឋមន្រ្តីកម្ពុជា បានទទួលមរណភាព នៅម៉ោង១១និង៤៥នាទី នាថ្ងៃទី៣០ ខែមីនា ឆ្នាំ២០២៣នេះ ក្នុងជន្មាយុ១០២ឆ្នាំ ។
លោកតា ឌី បូ ជាប្អូនបង្កើតរបស់លោកយាយមហាឧបាសិកា ឌី ប៉ុក ។ គិតមកទល់ពេលនេះ លោកយាយមហាឧបាសិកា ឌី ប៉ុកបានទទួលមរណភាពប្រមាណជា២៥ឆ្នាំហើយ ។ ធាតុលោកយាយមហាឧបាសិកា ឌី ប៉ុក បានតម្កល់នៅវត្តព្រះបារមីវង្គដ្ឋបុរីកបិលភ័ស្តុ ហៅវត្តទួលក្រសាំង សង្កាត់ទឹកថ្លា ខណ្ឌសែនសុខ ។
ចំពោះការទទួលមរណភាពរបស់លោកពូបង្កើតនេះ សម្តេចបានលើកឡើងក្នុងបណ្តាញតេឡេក្រាមនារសៀលថ្ងៃ៣០ មីនាថា “ថ្ងៃនេះត្រកូលឌី បូកជាមួយត្រកូលហ៊ុន បានបាត់បង់មនុស្សចុងក្រោយនៃជំនាន់ឪពុកម្តាយខ្ញុំដែលមានព្រះជន្ម១០២ឆ្នាំ។ប្អូនប្រុសម្តាយខ្ញុំឈ្មោះ ឌី បូ បានទទួលមរណភាពកាលពីម៉ោង១១និង៤៥នាទី ថ្ងៃទី៣០ ខែមីនា ឆ្នាំ២០២៣នេះ ក្នុងជន្មាយុ១០២ឆ្នាំ ។
នៅល្ងាចស្អែកទី៣១ មីនា សម្តេចនឹងអញ្ជោះញទៅដុតធូបដើម្បីគោរពវិញាណក្ខន្ធ និងជូនដំណើរចុងក្រោយចំពោះលោកពូ ៕