ភ្នំពេញ៖ អ្វីដែលទន្ទឹងរងចាំ គឺមកដល់ហើយ ក្រុមហ៊ុនអ៊ីអនបានប្រកាសបើកឱ្យដំណើការសាកល្បងជាផ្លូវការផ្សារទំនើប អ៊ីអនម៉ល៣ មានជ័យ នៅថ្ងៃព្រហស្បតិ៍ ទី15 ខែធ្នូ ឆ្នាំ2022។
បើតាមក្រុមហ៊ុនអ៊ីអន ផ្សារទំនើប អ៉ីអនម៉ល មានជ័យ ជាផ្សារទំនើបទី 3 និងធំជាងគេ នៅក្នុងព្រះរាជាណាចក្រកម្ពុជា។ ផ្សារទំនើប អ៉ីអន មានជ័យ មានទីតាំងស្ថិតនៅតាមបណ្តោយមហាវិថីសម្ដេចតេជោ ហ៊ុន សែន (ផ្លូវ៦០ម៉ែត្រ) ដែលនឹងផ្ដល់ជូននូវការកម្សាន្ត ការអប់រំ បូករួមជាមួយនឹងបច្ចេកវិទ្យា និងបទពិសោធន៏ក្នុងការទិញទំនិញថ្មី សម្រាប់មនុស្សគ្រប់វ័យ។
គម្រោងផ្សារទំនើបអ៊ីអន៣ គឺធំជាងផលបូកផ្ទៃក្រឡាផ្សារទំនើបAEON ទី១ (៦៨០០០ ម៉ែត្រការ៉េ) និងផ្សារទំនើបAEON ២ សែនសុខ (១០០០០០ ម៉ែត្រការ៉េ) ដែលទំហំសរុបមានត្រឹមតែ ១៦៨០០០ម៉ែត្រការ៉េ៕ ដោយ៖ ពុទ្ធិពល
