ភ្នំពេញ ៖ ឆ្លៀតឱកាសថ្លែងសន្ទរកថា បិទកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធ នាថ្ងៃ១៣ វិច្ឆិកានេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានអញ្ជើញថ្នាក់ដឹកនាំនៃបណ្តាប្រទេសអាស៊ាន ចូលរួមបើកកម្មវិធីប្រកួតកីឡាស៊ីហ្គេមជាផ្លូវការណ៍លើកទី៣២ នៅថ្ងៃទី៥ ខែឧសភា ឆ្នាំ២០២៣។
ជាមួយគ្នានេះ សម្តេចតេជោក៏អញ្ជើញបណ្តាថ្នាក់ដឹកនាំអាស៊ានទាំងអស់ចូលរួមពិធីបើកកម្មវិធីប្រកួតកីឡាប៉ារ៉ាហ្គេមអាស៊ានលើកទី១២ នៅថ្ងៃទី៣ ខែមិថុនា ឆ្នាំ២០២៣ផងដែរ។ ចំណុចនេះ សម្តេចថា គឺជាសមិទ្ធផលមួយទៀត សម្រាប់សាមគ្គីភាព កិច្ចខិតខំប្រឹងប្រែង និងមិត្តភាពរបស់គ្រប់គ្នា៕ ដោយ៖ រិន ចំរើន