មីយ៉ាន់ម៉ា៖ កីឡាករ Dave Leduc ជាស្តេចប្រដាល់របស់ប្រទេសភូមា ប្រកាសបើកកន្លែងហាត់ប្រាណ/គុនខ្មែរ/ឡេតវ៉េ/MMA/BJJនៅកម្ពុជា ដើម្បីនាំភ្ញៀវទេសចរណ៍ជាច្រើនចូល ជាពិសេស ចង់ក្លាយជា ជាអ្នកដឹកនាំ ដូចសម្តេចនាយករដ្ឋមន្ត្រី ហ៊ុន ម៉ាណែតដែរ។
នៅលើទំព័រហ្វេសបុកនៅថ្ងៃទី ២៣ ខែមករា ឆ្នាំ ២០២៤ នេះ កីឡាករ Dave Leduc បានសរសេរថា៖« ក្នុងដំណើរទស្សនកិច្ចលើកចុងក្រោយរបស់ខ្ញុំនៅភ្នំពេញ ខ្ញុំពិតជាមានកិត្តិយសជាពន់ពេកដែលត្រូវបានសម្តេចនាយករដ្ឋមន្ត្រី ហ៊ុន ម៉ាណែត អញ្ជើញឲ្យចូលរួមជួបសំណេះសំណាលនៅវិមានសន្តិភាព។ Hun Manet កិច្ចប្រជុំនេះបានជះឥទ្ធិពលយូរអង្វែងមកលើខ្ញុំ៖ របៀបដែលសម្តេចដឹកនាំប្រទេសជាតិនេះប្រកបដោយមហិច្ឆិតា និងភាពរឹងមាំគឺជាកម្លាំងចិត្តសម្រាប់ខ្ញុំ។ ខ្ញុំប្រាថ្នាចង់ក្លាយជាអ្នកដឹកនាំដូចជារូបលោកដែរ»។
លោក សរសេរបន្តថា៖«ក្នុងកិច្ចប្រជុំនេះ ខ្ញុំបានពន្យល់ពីមហិច្ឆិតារបស់ខ្ញុំក្នុងការបើកកន្លែងហាត់ប្រាណនៅក្នុងប្រទេសកម្ពុជា និងរបៀបដែលកន្លែងហាត់ប្រាណស្រដៀងគ្នានៅក្នុងប្រទេសថៃបានធ្វើឱ្យប្រទេសនេះក្លាយជាគោលដៅទេសចរណ៍ឈានមុខគេ»។
លោក Dave Leduc បន្ថែមថា៖«គោលដៅរបស់ខ្ញុំគឺត្រូវនាំភ្ញៀវទេសចរណ៍ជាច្រើនចូលក្នុងប្រទេស ដោយបើកកន្លែងហាត់ប្រាណ/គុនខ្មែរ/ឡេតវ៉េ/MMA/BJJ។ ខ្ញុំនឹងនាំការងារកាន់តែច្រើន អតិថិជនកាន់តែច្រើនមកកាន់អាជីវកម្មក្នុងស្រុក និងលើកកម្ពស់សិល្បៈក្បាច់គុនរបស់យើង»។
លោក សរសេរសង្កត់ទៀតថា ៖«សម្តេច ហ៊ុន ម៉ាណែត បានប្រាប់ខ្ញុំថា ឪពុកម្តាយតែងតែមានក្តីស្រឡាញ់ដ៏ធំធេងចំពោះគុនខ្មែរ ហើយពួកគេបានបញ្ជូនចំណង់ចំណូលចិត្តរបស់ពួកគេទៅកាន់កូនៗ។ ហេតុដូច្នេះហើយបានជាគាត់សម្ដែងការគាំទ្រយ៉ាងពេញទំហឹងចំពោះខ្ញុំក្នុងការបង្កើតកន្លែងហាត់ប្រាណអន្តរជាតិនៅកម្ពុជា។ ខ្ញុំសូមអរគុណសម្តេចដែលបានផ្តល់កម្លាំងចិត្ត និងការគាំទ្រដល់ខ្ញុំដើម្បីបន្តគោលដៅរបស់ខ្ញុំ។ អនាគតនឹងមានភាពវិជ្ជមានខ្លាំង។អរគុណអ្នកគាំទ្រទាំងអស់គ្នាចំពោះការគាំទ្រ ខ្ញុំស្រលាញ់អ្នកទាំងអស់គ្នា»៕
