ភ្នំពេញ៖ ភាពយន្តចម្រៀង “ជីវិតក្មេងវត្ត” ដែលជាស្នាដៃនិពន្ធដ៏ខ្ពង់ខ្ពស់ របស់ សម្តេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងបើកសម្ពោធនៅថ្ងៃនេះ ដោយមានការចូលរួមរបស់លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ។
នៅលើផេកផ្លូវការ នាយប់ថ្ងៃទី២៧ ខែ កញ្ញា ឆ្នាំ២០២២ សម្ដេចតេជោបានសរសេរថា ជីវិតក្មេងវត្ត ថ្ងៃដែលបងប្អូន កូន ក្មួយ ចៅ ចៅទួត របស់ សម្តេចតេជោ ហ៊ុន សែន នាយករដ្ឋមន្រ្តី ទន្ទឹងរង់ចាំបានមកដល់ហើយ ភាពយន្តចម្រៀង “ជីវិតក្មេងវត្ត” ដែលជាស្នាដៃនិពន្ធដ៏ខ្ពង់ខ្ពស់ របស់ សម្តេចតេជោ។
សូមអញ្ជើញបងប្អូនជនរួមជាតិតាមដានទស្សនាកម្មវិធីបើកសម្ពោធ ក្រោមអធិបតីភាព លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ចាប់ពីម៉ោង ១០៖០០ នាទីតទៅ នៅអគារ ក្រសួងរៀបចំដែនដីនគរូបនីយកម្ម និងសំណង់ ដែលផ្សាយផ្ទាល់តាមរយៈទូរទស្សន៍ជាតិកម្ពុជា, បាយ័ន, ហង្សមាស, PNN, អប្សរា, ប៉ុស្តិ៍លេខ៥, អាស៊ីអាគ្នេយ៍, CTN, ប៉ុស្តិ៍លេខ ៩, ប៉ុស្តិ៍លេខ ៣, Town, Fresh News និង Page Samdech Techo Hun Sen, Cambodian Prime Minister។
សូមជម្រាបជូនថា ភាពយន្តចម្រៀងដែលពោរពេញទៅដោយការតស៊ូអត់ធន់ ពុះពារគ្រប់ឧបសគ្គដើម្បីក្រេបយកចំណេះវិជ្ជា។ ផលិតដោយសមាគមសិល្បករខ្មែរ និងដឹកនាំសម្តែងដោយ លោក ហ្វៃ សំអាង៕ដោយ៖ គង់ សេដ្ឋាមុនី