ខេត្តព្រះសីហនុ ៖ ធ្លាយធុងប្រេង បង្ករជាអគ្គិភ័យធ្វើឲ្យឆាបឆេះរថយន្តមួយគ្រឿងម៉ាក់ Rang Rover ពណ៏ ស ស្លាកលេខ កម្ពុជា FCAI 1668 ថ្ងៃទី២៤ ខែ ឧសភា ឆ្នាំ ២០២៣ វេលាម៉ោង ០១:៣០ នាទីយប់ រំលងអាធ្រាត្រ ស្ថិតក្នុងចំនុច ក្រុម ១ ភូមិ ៦ សង្កាត់លេខ ៤ ក្រុង /ខេត្តព្រះសីហនុ ដែលមានម្ចាស់ រថយន្ត ឈ្មោះ ទាវ គឹមភាវ។
របាយការណ៍សមត្ថកិច្ចឱ្យដឹងថា មូលហេតុនៃការឆេះ នេះបណ្តាមកពី ធ្លាយធុងប្រេងរថយន្តបង្ករជាអគ្គិភ័យធ្វើឲ្យឆាបឆេះរថយន្ត អស់ទាំងស្រុងតែម្តង។
ភ្លាមៗនោះ កងកម្លាំង នគរបាល បង្ការ ពន្លត់ អគ្គិភ័យ និងសង្គ្រោះ បានចេញរថយន្តពន្លត់អគ្គិភ័យចំនួន ០១ គ្រឿង រថយន្តរបស់ស្នងការដ្ឋាននគរបាលខេត្តព្រះសីហនុបានប្រើប្រាស់ទឹកអស់ចំនួន០១រថយន្ត។ រថយន្តពន្លត់ កងរាជអាវុធហត្ថខេត្តចំនួន ០១ គ្រឿង បានប្រើប្រាស់ទឹកអស់ ០១ រថយន្ត។ និង រថយន្ត ពន្លត់អគ្គិភ័យ កងរាជអាវុធក្រុងចំនួន ០១គ្រឿង មិនបានប្រើប្រាស់ទឹក។
ករណីខាងលើនេះបានពន្លត់រលត់ទាំងស្រុងនៅវេលាម៉ោង ០២:០០ នាទីទៀបភ្លឺ ថ្ងៃខែឆ្នាំដដែល ៕
