ភ្នំពេញ៖ កម្លាំងផ្នែកយុត្តិធម៌ នៃអធិការដ្ឋាននគរបាលខណ្ឌទួលគោក បានធ្វើការស្រាវជ្រាវឃាត់ខ្លួនជនសង្ស័យ០១នាក់ពីបទលួចមានស្ថានទម្ងន់ទោសដោយសារការគាស់ទម្លោះទម្លាយ (គាស់ពីដានចូលលួចសម្ភារ:នៅក្នុងហាងXឡោយ)នៅថ្ងៃទី១៧ ខែតុលា ឆ្នាំ២០២៣ វេលាម៉ោងប្រហែល០១:១៥នាទីទាបភ្លឺ នៅចំណុចក្រោមស្ពានអាគាស៧មករា ផ្លូវសហព័ន្ទរុស្ស៊ី (ផ្លូវលេខ១១០) ក្រុមទី២៨ ភូមិ៨ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។
ជនសង្ស័យបានប្រព្រឹត្តបទល្មើសនៅចំណុចហាងXឡោញ ផ្ទះលេខ៤០ ផ្លូវលេខ៦០៦ ក្រុមទី៤៩ ភូមិ៩ សង្កាត់បឹងកក់ទី២ ខណ្ឌទួលគោក រាជធានីភ្នំពេញ កាលពីថ្ងៃទី១៤ ខែតុលា ឆ្នាំ២០២៣ វេលាម៉ោងប្រហែល២៤:០០រំលង់អាធ្រាត្រ។
របាយការណ៍ពីសមត្ថកិច្ច ឱ្យដឹងថា ជនសង្ស័យខាងលើនេះ មាន ឈ្មោះ អៀន វុធ ហៅ វុធ ភេទប្រុស អាយុ៣៤ឆ្នាំ ជនជាតិខ្មែរ មុខរបរ មិនពិតប្រាដក ស្នាក់នៅមិនពិតប្រាកដ ។ (មានសារធាតុញៀន) ដោយក្នុងនោះបានដកហូត វត្ថុតាងរួមមាន: ១- កាបូបស្ពាយ ម៉ាកPolo ចំនូន០១។ ២- សោរមុខ លេខ០៨ចំនួន០២។ ៣-កន្ត្រៃពណ៌ខ្មៅ ចំនួន០១ (ចាប់យកពីជនសង្ស័យខាងលើ) ។
ចំណែក ជនរងគ្រោះ មាន ឈ្មោះ ឌឹប រដ្ឋា ភេទប្រុស អាយុ២៤ឆ្នាំ មុខរបរមេកាហាង ស្នាក់នៅបន្ទប់ជួលមិនចាំលេខ ផ្លូវបេតុង សង្កាត់ទួលសង្កែទី១ ខណ្ឌ ឬស្សីកែវ រាជធានីភ្នំពេញ បានប្រាប់ថា សំភារ:បាត់បង់ទូរទស្សន៍ចំនួន០១គ្រឿង, កុំព្យូទ័រលើតុចំនួន០១គ្រឿង, ឧបករណ៍បំពងសម្លេង (បាសធំ) ចំនួន០១ ស្រា និងស្រាវបៀរមួយចំនួន និងខ្សែរភ្លើង ។ សំភារ:ខូតខាតមានស្នាមប្រហោងដំបូលពិដាន និងខូតខាត់សំភារ:មួយចំនួននៅក្នុងហាង (បណ្តាលមកពីជនសង្ស័យ និងបក្សពួកគាស់នៅពេលធ្វើសកម្មភាព)
បច្ចប្បន្ន៖ ជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរនិងចាត់ការបន្តតាមនីតិវិធី ៕
