ភ្នំពេញ៖ បុរសម្នាក់បានស្លាប់ភ្លាមៗនៅកន្លែងកេីតហេតុ បន្ទាប់ជនដៃដល់ម្នាក់បានដកកាំភ្លេីងបាញ់ជាច្រេីនគ្រាប់ ដោយសារតែទំនាស់ពាក្យសម្តីគ្នា។
ករណីគួរឱ្យរន្ធត់បានកើតឡើងការពីវេលាម៉ោង១នឹង១៧នាទីរសៀល ថ្ងៃ២៩ ខែកក្កដា ឆ្នាំ២០២៣ ស្ថិតនៅបណ្ដោយផ្លូវ១៦៣កែង៣៦០ សង្កាត់តួស្វាយព្រៃទី១ ខណ្ឌបឹងកេងកង រាជធានីភ្នំពេញ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញបុរសពីរនាក់ដេញវ៉ៃគ្នាតាមបណ្ដោយផ្លូវ៣៦០ មានទាំងកាំបិតមានទាំងកាំភ្លើងស្រាប់តែមកដល់ត្រង់ចំណុចកើតហេតុ ស្រាប់តែបុរសដែលជាជនសង្ស័យបានដកកាំភ្លើងបាញ់ទៅលើបុរសដែលជាជនរងគ្រោះចំនួន ៣ ទៅ ៤ គ្រាប់បណ្ដាលឲ្យដួលស្លាប់ភ្លាមៗនៅនឹងកន្លែងកើតហេតុ។
ក្រោយពេលធ្វើសកម្មភាពរួចបុរសដែលជាជនសង្ស័យបានរត់គេចខ្លួនបាត់ស្រមោលសូន្យ ឃើញហេតុការណ៍បែបនេះប្រជាពលរដ្ឋបានទំនាក់ទំនងទៅសមត្ថកិច្ចមន្ត្រីជំនាញចុះមកដល់ទីតាំងកន្លែងកើតហេតុ ដើម្បីពិនិត្យភស្តុតាងនិងធ្វើកោសល្យវិច័យនិងកំណត់មុខសញ្ញាចាប់ជនសង្ស័យយកមកផ្ដន្ទាទោសតាមផ្លូវច្បាប់៕
