ព្រៃវែង៖ ករណីគ្រោះថ្នាក់ចរាចរណ៍មួយបានកើតឡើងរវាងម៉ូតូ និងកង់ បណ្តាលឲ្យរងរបួសទាំងសងខាង កាលពីវេលាម៉ោង ១១ និង ៣០នាទី ថ្ងៃទី២៣ ខែមិថុនា ឆ្នាំ២០២៣ នៅចំណុចលើផ្លូវកៅស៊ូ ភូមិក្រសាំងទង ឃុំអង្គរាជ្យ ស្រុកព្រះស្តេច ខេត្តព្រៃវែង ខណៈអ្នកបើកម៉ូតូខ្វះការប្រុងប្រយ័ត្ន ទៅប៉ះកៀរកង់នៅពីមុខក្នុងទិសដៅស្របទិសគ្នាពីលិចទៅកើត ។
ប្រភពពីកន្លែងកើតហេតុ ឱ្យដឹងថា ជនរងគ្រោះទី១.ឈ្មោះ រឿន សុនុត ភេទប្រុស អាយុ ១៤ឆ្នាំ, ទី២.ឈ្មោះ វុន សាវ៉ាន ភេទប្រុស អាយុ ០៨ឆ្នាំ, ទី៣.ឈ្មោះ អាំ ស្រីយ៉ា អាយុ ០៩ឆ្នាំ ភេទស្រី អ្នកទាំងបី រស់នៅភូមិសំនយ ឃុំសេនារាជឧត្តម ស្រុកព្រះស្តេច។
ប្រភពដដែលបន្តថា នៅមុនពេលកើតហេតុ មានម៉ូតូម៉ាក HONDA WAVE ពណ៌ខ្មៅ ពាក់ស្លាកលេខ ព្រៃវែង 1U .3563 បើកដោយឈ្មោះ រឿន នុត ភេទស្រី បានរួមដំណើរជាមួយឈ្មោះ វុន សាវន បើកបរពីទិសដៅខាងលិចទៅទិសខាងកើត មកដល់ចំណុចកើតហេតុខាងលើ បានប៉ះកៀរកង់ ១គ្រឿង ពណ៌ក្រហម ជិះដោយឈ្មោះ អាំ ស្រីយ៉ា ភេទស្រី បើកបរពីកើតទៅលិច បណ្ដាលឱ្យដួលរងរបួសទាំងសងខាង ។
បច្ចុប្បន្នជនរងគ្រោះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកស្រុកព្រះស្តេច។ រីឯវត្ថុតាងមានម៉ូតូ និងកង់ យកមករក្សាទុកនៅប៉ុស្តិ៍នគរបាលរដ្ឋបាលអង្គរាជ្យ៕
