ខេត្តកំពង់ស្ពឺ ៖ ឃាត់ខ្លួនជនសង្ស័យម្នាក់ ឈ្មោះ ឈឹម ចំរើន ភេទប្រុស អាយុ២៨ឆ្នាំ នៅថ្ងៃទី១៦ ខែមិថុនា ឆ្នាំ២០២៣ ក្នុងករណីក្លែងបន្លំជាយោធា ហើយដើរឆបោកយកលុយ ប្រជាពលរដ្ឋ ចូលក្របខ័ណ្ឌយោធា ។
សមត្ថកិច្ចកម្លាំងនគរបាល ការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាល ខេត្តកំពង់ស្ពឺ នៅថ្ងៃទី១៦ ខែមិថុនា ឆ្នាំ២០២៣នេះ ឱ្យដឹងថា ជនសង្ស័យខាងលើនេះ សមត្ថកិច្ចនគរបាលកំពុងធ្វើកំណត់ហេតុស្ដាប់ចម្លើយ ដើម្បីកសាងសំណុំរឿងបញ្ជូនទៅតុលាការតាមនីតិវិធី ។
ស្របពេលដែលមានជនខិលខូចមួយចំនួន បានក្លែងឋានៈ តួនាទី ក្នុងចេតនាទុច្ចរិត បោកប្រាស់ប្រជាពលរដ្ឋនៅតាមមូលដ្ឋាន សូមសមត្ថកិច្ច អាជ្ញាធរ ក្តោបព័ត៌មាន បែបនេះឲ្យបានដិតដល់ ដើម្បីការពារផលប្រយោជន៍ប្រជាពលរដ្ឋ ចៀសវាងពួកគាត់ ខាតបង់ថវិកា ចាញ់បោកក្រុមទុច្ចរិតទាំងនេះ ដោយសារគាត់ខ្វះការទទួលព័ត៌មាន នឹងមិនបានគិតវែងឆ្ងាយ៕
