កំពត÷ កងរាជអាវុធហត្ថខេត្តកំពតបានចុះអនុវត្តដីកាបង្គាប់ឲ្យចាប់ខ្លួន-ឃុំខ្លួន នៅចំណុចភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពតដោយបានឃាត់ខ្លួនបុរសម្នាក់ ឈ្មោះ ស៊ឹម ស៊ីវ៉ា ភេទ ប្រុស អាយុ៣៧ ឆ្នាំ មុខរបរ កសិករ រស់នៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពតពាក់ព័ន្ធករណីលួចមានស្ថានទំងន់ទោស។
ករណីខាងលើនេះត្រូវបានអនុវត្ត ចាប់ខ្លួននៅវេលាម៉ោង៧ និង៣០នាទី ថ្ងៃទី០៤ ខែឧសភា ឆ្នាំ២០២៣ ដោយ កម្លាំងការិយាល័យព្រហ្មទណ្ឌ កងរាជអាវុធហត្ថខេត្តកំពត សហការជាមួយកម្លាំង មូលដ្ឋានកងរាជអាវុធហត្ថស្រុកឈូក ដឹកនាំដោយលោក ភួង វ៉ាន់ថា ប្រធានមន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្តកំពត ។
ជនសង្ស័យ ឈ្មោះ ស៊ឹម ស៊ីវ៉ា ត្រូវបានចោទពីបទ លួចមានស្ថានទម្ងន់ទោសដោយសារការប្រព្រឹត្តអំពើហិង្សា និងបទធ្វើឲ្យខូចខាតដោយចេតនា ប្រព្រឹត្តនៅចំណុចភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត កាលពីថ្ងៃទី០៧ ខែតុលា ឆ្នាំ២០២១ ។
បច្ចុប្បន្ន ឈ្មោះ ស៊ឹម ស៊ីវ៉ា ត្រូវបានឃាត់ខ្លួននៅមន្ទីរស្រាវជ្រាវ និងបង្ក្រាបបទល្មើសដើម្បីអនុវត្តតាមនីតិវិធី៕