ភ្នំពេញ៖ ចាប់ខ្លួនជនសង្ស័យ០៣នាក់ ជាបន្តបន្ទាប់នៅថ្ងៃទី ២ នៃថ្ងៃចូលឆ្នាំខ្មែរ ពោល នៅថ្ងៃទី១៦ ខែមេសា ឆ្នាំ២០២៣ ពាក់ព័ន្ធករណីគាស់ផ្ទះលួចទ្រព្យសម្បត្តិអ្នកដទៃដោយ យកកន្ត្រៃកាត់សោរការិយាល័យលក់ផ្ទះគំរូ លួចយកសម្ភារៈបំពាក់ផ្ទះគំរូលំនៅដ្ឋានហ្រី្គនផាលេសដែលមានទីតាំងដីឡូត៍លេខ២៤ ផ្លូវលេខ២៨៣ ក្រុមទី៥២ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។
បើតាមសមត្ថកិច្ចរាជធានីភ្នំពេញជនសង្ស័យចំនួន០៣នាក់៖១-ឈ្មោះ វ៉ាន់ ឆេងឡុង ភេទប្រុស អាយុ ២០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅបន្ទប់ជួល ផ្លូវរថភ្លើង ក្រុមទី៥៤ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។២-ឈ្មោះ ឈួន សុផល ហៅ ហ្សូ ភេទប្រុស អាយុ៣៣ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះមិនចាំលេខ ប្លុករោងចក្រឆ្នាំង ផ្លូវរថភ្លើង សង្កាត់បឹងកក់ទី២ ខណ្ឌទួលគោក រាជធានីភ្នំពេញ។ និង ៣-ឈ្មោះ លាង ហេង ហៅ ហេង ភេទប្រុស អាយុ២៥ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់បន្ទប់ជួល ផ្លូវរថភ្លើងក្រុមទី៥៤ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។
រីឯជនរងគ្រោះមាន ឈ្មោះ សុង ប៉េងសៀង ភេទប្រុស អាយុ៤៤ឆ្នាំ ជនជាតិខ្មែរ មុខរបរ អ្នកបកប្រែសាភាចិន ស្នាក់នៅបណ្ដោះអាសន្នការដ្ឋានសំណង់កំពុងសាងសង់លំនៅដ្ឋានហ្រី្គនផាលេស ស្ថិតនៅដីឡូត៍លេខ២៤ ផ្លូវលេខ២៨៣ ក្រុមទី៥២ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងចាត់ការបន្តតាមនីតិវិធី៕