ភ្នំពេញ:ជនជាតិឡាវចំនួន២នាក់ ត្រូវបានកម្លាំងនគរបាលប្រឆាំងគ្រឿងញៀនចាប់ខ្លួនជាមួយវត្ថុតាងគ្រឿងញៀនជាង ១៣គីឡូក្រាម នៅចំណុចស្ពានទី២ ភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ កាលពីវេលាម៉ោង០៧និង០៥នាទីព្រឹក ថ្ងៃទី២៧ ខែមីនា ឆ្នាំ២០២៣ ។
បើតាមសមត្ថកិច្ចនគរបាលជំនាញ ជនសង្ស័យជនជាតិឡាវខាងលើមាន៖ ១- ឈ្មោះ កែវ គង់មឿង ភេទប្រុស អាយុ២៣ឆ្នាំ កើតនៅភូមិចមកែវ ស្រុកកៃសន ខេត្តសុវណ្ណ ។ ២- ឈ្មោះ ណុក សុវណ្ណសាម ភេទប្រុស អាយុ២០ឆ្នាំ កើតនៅភូមិណាសៃ ស្រុកហ្វឿង រាជធានី វៀងចន្ទន៍ ប្រទេសឡាវ ។
ក្រោយឃាត់ខ្លួនសមត្ថកិច្ចនគរបាលជំនាញ បានដកហូតវត្ថុតាងរួមមាន៖ គ្រឿងញៀនដោយបង្កប់ជាមួយដីខ្សាច់ចំនួន ១៣ កញ្ចប់ធំ មានទម្ងន់ ១៣ គីឡូក្រាម ។
បច្ចុប្បន្ន ជនសង្ស័យ២នាក់ខាងលើ ត្រូវបានបញ្ចូនទៅកាន់ស្នងការដ្ឋាននគរបាលខេត្ត ស្ទឹងត្រែង ដើម្បីរៀបចំបែបបទ និងកសាងសំណុំរឿង បញ្ជូនបន្តទៅកាន់តុលាការ ចាត់ការតាមនីតិវិធីច្បាប់ ៕