ភ្នំពេញ៖ លោក យិន សំអុល មានដើមកំណើតមកកពីខេត្តតាកែវ បច្ចុប្បន្នរស់នៅ និងបំរើការងារនៅក្នុងរាជធានីភ្នំពេញ បានឈ្នះ កីឡាករគុណខ្មែរ ព្រំ សំណាង កាលពីយប់ថ្ងៃទី៨ មីនា ឆ្នាំ ២០២៨ ទទួលបានរថយន្តមួយគ្រឿង ម៉ាក Mazda ពីកម្មវិធីបីមនុស្សជាទីស្រឡាញ់ របស់ក្រុមហ៊ុន Boostrong ក្នុងថ្ងៃទិវាសិទ្ធិនារី ៨ មីនា ។
ដោយឡែក អ្នកលេងគុនខ្មែរ រហស្សនាមជាងកាត់សក់ ព្រំ សំណាង ទទួលបានជ័យលាភីលេខ ២ប៉ុណ្ណោះ ប៉ុន្តែ ក្រុមហ៊ុន ក៏សម្រេច ផ្តល់រថយន្ត Mazda មួយគ្រឿង ដែរ ក្រោយពីបានចំណាយពេលរហូតដល់ជាង ៨ម៉ោង បីដៃគូជាទីស្រឡាញ់របស់ខ្លួន ។
ក្រោយទទួលបានជោគជ័យពីកម្មវិធី លោក យិន សំអុលថ្លែងថា៖ «អរគុណប្អូនប្អូនទាំងអស់គ្នាដែលបានលើកទឹកចិត្តរហូតបានទទួលជោគជ័យក្នុងការប្រកួតនេះ សូមថ្លៃងអំណគុណដល់ក្រុមហ៊ុន ភេសជ្ជៈប៊ូស្ត្រងដែលបានបង្កើតពិធីនេះឡើងធ្វើអោយខ្ញុំបាទមានសំណាងដូចយប់នេះ»។
លោក យិន សំអុល បានបីដៃគូជាទីស្រឡាញ់របស់ខ្លួន អស់រយៈពេល ៨ម៉ោង ១៧ នាទី ធ្វើ ឱ្យលោកទទួលបានជ័យជំនះលេខ ១ និងកីឡាករព្រំ សំណាង ទទួលបានជ័យជំនះលេខ ២ ក្នុងចំណោម អ្នកបីដៃគូរជាច្រើនគូរផ្សេងទៀត ៕