ភ្នំពេញ៖ ដោយវិស័យសិល្បៈកាន់តែមានការរីកចំរើននៅប្រទេសកម្ពុជា សាកលវិទ្យាល័យបញ្ញាជាតិបានរៀបចំបើកវគ្គបណ្តុះបណ្តាលសិល្បៈ ដើម្បីបំពេញនូវតំរូវការរបស់ សិស្ស និសិ្សត ដែលមាន ក្តីស្រមៃ និង ចំណាប់អារម្មណ៍ចង់ក្លាយជាតារា។
បើតាមសេចក្តីជូនដំណឹងរបស់សាកលវិទ្យាល័យបញ្ញាជាតិ បញ្ជាក់ថា វគ្គបណ្តុះបណ្តាលខាងលើនេះ នឹងផ្តោតលើផ្នែកសិល្បៈមានដូចជា៖ សម្ដែង ចម្រៀង របាំបុរាណ-សម័យ ពិធីករ-ពិធីការិនី និងបង្ហាញម៉ូត ។ ផ្នែកទម្រង់សីល្បៈទាំងនេះ បង្រៀនដោយសាស្ត្រាចារ្យមកពីសាកលវិទ្យាល័យភូមិន្ទវិចិត្រសិល្បៈដែលមានបទពិសោធន៍និងជំនាញច្បាស់លាស់ក្នុងការ បង្រៀនច្រើនឆ្នាំទាំងក្នុង និងក្រៅប្រទេស។
សាកលវិទ្យាល័យនេះបន្តថា ក្រោយពេលបញ្ចប់វគ្គសិក្សាខាងលើសិក្ខាកាម នឹងទទួលបានវិញ្ញាបនបត្របញ្ជាក់ការសិក្សា និងមានឱកាសក្លាយជាតារាផងដោយ ក្នុងនោះ សម្រាប់អ្នកដែលទទួលជ័យលាភីលេខ ១ នឹងទទួលបានពាន ចំនួន១ និងទឹកប្រាក់ចំនួន ៨០ លានរៀល។ ជ័យលាភី លេខ ២ ទទួលបានពាន ចំនួន១ និងទឹកប្រាក់ចំនួន ៥០ លានរៀល។ ជ័យលាភី លេខ ៣ ទទួលបានពាន ចំនួន១ និងទឹកប្រាក់ចំនួន ៣៥ លានរៀល។
ដើម្បីឆ្លើយតបនឹងសេចក្តីត្រូវការខាងលើ សាកលវិទ្យាល័យបញ្ញាជាតិ នឹងចាប់ផ្តើមទទួលពាក្យចូលរៀនពីថ្ងៃនេះតទៅ (ថ្ងៃទី 03 ខែ 03 ឆ្នាំ 2023) ហើយនឹងចូលរៀននៅថ្ងៃទី 27 ខែ 03 ឆ្នាំ 2023 ដោយទទួលសិស្សចាប់ពីអាយុ ៦ឆ្នាំ ដល់ ៦០ឆ្នាំ។ សម្រាប់ តម្លៃសិក្សាផ្នែកសិល្បៈសម្តែង $500។ ប៉ុន្តែ PROMOTION ពិសេសសម្រាប់សិស្ស 50នាក់ដំបូង បញ្ចុះតម្លៃ 50% ភ្លាមៗសល់ត្រឹមតែ $250 ប៉ុណ្ណោះ ផ្នែកពិធីករ-ពិធីការានី $1500 (30% 26នាក់ដំបូង) ផ្នែកបង្ហាញម៉ូត $1200 (30% 26នាក់ដំបូង)។
សាកលវិទ្យាល័យបញ្ញាជាតិ ជាសាកលវិទ្យាល័យមួយឈានមុខគេ ខាងផ្នែកបណ្តុះបណ្តាលធនធានមនុស្សប្រកបដោយ សមត្ថភាពបញ្ញា គុណធម៌ ស្របតាមស្តង់ដាជាតិ និងអន្តរជាតិ៕
ដោយ៖ ពុទ្ធិពល
