ភ្នំពេញ៖ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ នេសាទ អះអាងថា មិនមានការហាមឃាត់ សម្រាប់ប្រជាពលរដ្ឋធ្វើការស្ទូចត្រីនៅស្ទឹងព្រែកត្នោតនោះទេ ។
ការអះអាងរបស់ លោក ឌិត ទីណា ធ្វើឡើងឆ្លើយតបទៅនឹងអាជ្ញាធរ ដែលចុះហាមឃាត់ប្រជាពលរដ្ឋ កុំឱ្យស្ទូចត្រីនៅក្នុងស្ទឺងព្រែកត្នោតនៅដើមរឹស ដែលត្រូវបានប្រជាពលរដ្ឋ ដែលមានគណនី Na Rith ថតបង្ហោះនៅលើបណ្តាញសង្គមហ្វេសបុកក្នុងពេលពួកគេចុះទៅស្ទូតត្រី។
ហ្វេសបុកនេះ បានសរសេរអមទៅដោយរូបភាព និងវីដេអូថា « លើទីមួយ ហើយបានពូប្រាប់ថា ស្ទូតត្រីត្រូវមានព្រំដែន ។ ពូប្រាប់ថា នៅនឹងអត់ឱ្យស្ទូចទេ ស្ទឺងព្រែកត្នោត យើងនឹងនៅដើមរឹស ចូលរួមថែរក្សាទាំងអស់គ្នា កុំនេសាទខុសច្បាប់»។
ឆ្លើយតបទៅនឹងការលើកឡើងរបស់គណនីខាងលើនេះ លោក ឌិត ទីណា បានបញ្ជាក់ថា « មិនមានការហាមនេះទេ បើនរណា មកហាម សូមឱ្យគេ ទាក់ទងទៅ ប្រធានមន្ទីរ ខេត្តកណ្តាល តាមលេខនេះ +855 12 898 049 »៕ ដោយ៖ ពុទ្ធិពល
