ភ្នំពេញ៖ សម្តេច ហ៊ុន សែន ប្រមុខនៃរាជរដ្ឋាភិបាលនៃកម្ពុជា បានដាក់បទបញ្ជា ឱ្យកងទ័ពដែលកំពុងឈរជើងនៅតាមព្រំដែនកម្ពុជា-វៀតណាម តម្លើងអាវុធគ្រប់ប្រភេទ និង សំណាច់មេឃ ដើម្បីបាញ់ទម្លាក់យន្តហោះគ្មានមនុស្សបើក (ដ្រូន) ដែលហោះចូលទឹកដីកម្ពុជា។
ក្នុងពិធីសំណេះ សំណាលជាមួយកម្មករកម្មការិនីនៅថ្ងៃទី២៨ ខែមិថុនានេះ សម្តេច ហ៊ុន សែន ឱ្យដឹងថា មេបញ្ជាការកងទ័ពរបស់កម្ពុជាស្លូតពេកហើយ ដែលមិនបានបាញ់ទម្លាក់ យន្តហោះមិនមានមនុស្សបើក (ដ្រូន) ពេលហោះចូលទឹកដីកម្ពុជាកាលពីយប់មិញ ។
សម្តេចសង្កត់ធ្ងន់ថា ដូច្នេះចាប់ពីពេល្ងាចនេះ តទៅ ត្រូវតែបាញ់ទម្លាក់យន្តហោះគ្មានមនុស្សបើកនេះ ឱ្យខានតែបាន នៅពេលឃើញហោះដែលគ្មានមនុស្សបើកចូលទឹកដីកម្ពុជា ដើម្បីដឹងថា យន្តហោះដ្រូនេះ ហោះចេញពីប្រភពណា។
ជាមួយគ្នានេះ សម្តេច ហ៊ុន សែន បញ្ជាក់ថា សម្តេច នឹង ប្រគល់ ២០ ម៉ឺនដុល្លារអាមេរិក បើសិនជាអង្គភាពណាមួយបានបាញ់ទម្លាគ់បានយន្តហោះដ្រូនធ្លាក់មួយគ្រឿង៕