ភ្នំពេញ៖រថយន្តពីរគ្រឿងបុកគ្នា នៅ ថ្ងៃទី៣០ ខែឧសភា ឆ្នាំ២០២៣ នៅតាមបណ្តោយផ្លូវជាតិលេខ៣ ភូមិទួលកី សង្កាត់ភ្លើងឆេះរទះ ខណ្ឌកំបូល រាជធានីភ្នំពេញ បណ្តាលឱ្យរងការខូចខាតយ៉ាងធ្ងន់ធ្ងរ ។
ប្រភពពីកន្លែងកើតហេតុ ឱ្យដឹងថា មុនពេលកើតហេតុត មាន រថយន្តកូរ៉េដឹកទំនិញមួយគ្រឿងបើកបរវ៉ាជែងខាងឆ្វេងនៃរថយន្តឡង់គ្រីស័រមួយគ្រឿង រួចយបានបត់ស្តាំកាត់មុខធ្វើឱ្យរថយន្តឡង់គ្រីស័រចាប់ហ្វ្រាំងមិនទាន់ជ្រុលបុកពេញទំហឹងបណ្តាលឱ្យរងការខូចខាតហើយរថយន្តកូរ៉េបានបើកចូលក្នុងឃ្លាំងបាត់។
ប្រភពដដែលបន្តថា ជាមួយគ្នានោះ គេបានឃើញរថយន្តឡង់គ្រីស័រ ពណ៌ស (ដោះស្លាកលេខចេញក្រោយកើតហេតុ) ធ្វើដំណើរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូង ខាងមុខរថយន្តកូរ៉េដឹកទំនិញ ខណៈមកដល់ចំណុចកើតហេតុរថយន្តកូរ៉េក៏បានវ៉ាជែងខាងឆ្វេងដៃភ្លាមនោះក៏ទាញចង្កូតបត់មកខាងស្តាំកាត់មុខរថយន្តឡង់គ្រីស័រធ្វើឱ្យម្ចាស់រថយន្តឡង់គ្រីស័រចាប់ហ្វ្រាំងមិនទាន់ក៏ជ្រុលបុកពេញទំហឹងបណ្តាលឱ្យរងការខូចខាតរថយន្តឡង់គ្រីស័រយ៉ាងដំណំ។
បន្ទាប់មករថយន្តកូរ៉េបើកចូលក្នុងឃ្លាំងដែលនៅជាប់កន្លែងកើតហេតុបាត់។ សមត្ថកិច្ចបានចុះទៅដល់ចំណុចកើតហេតុធ្វើការវាស់វែងយករថយន្តទាំង២គ្រឿងទៅរក្សាទុកនៅអធិការនគរបាលខណ្ឌកំបូលរង់ចាំដោះស្រាយពេលក្រោយ៕
