កំពង់ធំ៖ បុរសម្នាក់បាញ់ប្រពន្ធរបួសធ្ងន់ ម្តាយក្មេកស្លាប់ ប្អូនថ្លៃស្លាប់ ជនដៃដល់បានបាញ់ខ្លួនឯងស្លាប់ដែរ។ នេះបើតាមរបាយការណ៍របស់សមត្ថកិច្ចខេត្តកំពង់ធំផ្ញើជូនលោកស្នងការនគរបាលខេត្តដែលត្រូវបានផ្សព្វផ្សាយនៅថ្ងៃទី ២៨ ខែមីនា ឆ្នាំ ២០២៣ នេះ
របាយការណ៍នេះបានសរសេរថា នៅថ្ងៃទី២៧.០៣.២០២៣ វេលាម៉ោង៨:២០នាទី នៅភូមុដំរីស្លាប់ឃុំអណ្ដូងពោធិ៍ ស្រុកតាំងគោក ខេត្តកំពង់ធំ មានករណីឃាតកម្ម(មានអាវុធ កាំភ្លើងខ្លី) ដែលបង្កឡើងដោយជនសង្ស័យ ឈ្មោះ ស៊ឹម សុវណ្ណរិទ្ធ ភេទប្រុស អាយុ៣០ឆ្នាំ ស្រុកកំណើតនៅខេត្តសៀមរាប បច្ចុប្បន្នស្នាក់រកស៊ីនៅភ្នំពេញ ត្រូវជាអតីតប្ដីរបស់ជនរងគ្រោះ បានបាញ់ទៅលើជនរងគ្រោះ ១/ឈ្មោះ សួស ថាត ភេទស្រី អាយុ ៥៦ឆ្នាំ នៅភូមិដំរីស្លាប់ ឃុំអណ្ដូងពោធិ៍(របួសចំក្បាល និងទ្រូងខាងឆ្វេង) ស្លាប់នៅកន្លែងកើតហេតុត្រូវជាយាយ
២/ ឈ្មោះ ហៀង សុខធីន ភេទប្រុស អាយុ ១០ឆ្នាំ នៅភូមិដំរីស្លាប់ ឃុំអណ្ដូងពោធីបាញ់ចំក្បាល១គ្រាប់ស្លាប់នៅកន្លែងកើតហេតុត្រូវជាប្អូនប្រុសបង្កើតជនរងគ្រោះ
៣/ ឈ្មោះ ហៀង រតនា ស្រី អាយុ១៨ឆ្នាំ បាញ់ចំក្បាលរបួស ក្បាលធ្ងន់ត្រូវជាអតីតប្រពន្ធជនសង្ស័យ បញ្ជូនទៅសង្គ្រោះនៅមន្ទីពេទ្យកាល់ម៉ែត៕
