ប៉ៃលិន៖ កម្លាំងផែនប្រឆាំងគ្រឿងញៀន នៃអធិការដ្ឋាននគរបាលក្រុងប៉ៃលិន បានសហការជាមួយកម្លាំងវេនប្រចាំបញ្ជាកាលពីថ្ងៃទី១៩ ខែមីនា ឆ្នាំ២០២៣បានចុះស្រាវជ្រាវស៊ើបអង្កេត និងបង្ក្រាបជាក់ស្ដែង ករណីជួញដូររក្សាទុក និងប្រើប្រាស់ដោយខុសច្បាប់នូវសារធាតុញៀន ០១ករណី ឃាត់ខ្លួនជនសង្ស័យបានចំនួន ០៤នាក់ ស្រី០១នាក់។
ជនសង្ស័យទាំងនោះ មានឈ្មោះដូចខាងក្រោម៖
១-ឈ្មោះ លន់ វីត ភេទប្រុស អាយុ២១ឆ្នាំ មុខរបរមិនពិតប្រាកដ ជនជាតិខ្មែរ សញ្ជាតិខ្មែរ ទីលំនៅបច្ចុប្បន្នរស់នៅភូមិប៉ាហុីជេីង សង្កាត់ប៉ៃលិន ក្រុងប៉ៃលិន ខេត្តប៉ៃលិន(មានផ្ទុកសារធាតុញៀន+)។ នៅចំណុចសួនអាពាហ៍ពិពាហ៍ ស្ថិតនៅភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន។
២-ឈ្មោះ រឿន វី ភេទប្រុស អាយុ២៣ឆ្នាំ មុខរបរមិនពិតប្រាកដ ជនជាតិខ្មែរ សញ្ជាតិខ្មែរ ទីលំនៅបច្ចុប្បន្នរស់នៅភូមិទួលខៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន(មានផ្ទុកសារធាតុញៀន+)។ នៅចំណុចសួនអាពាហ៍ពិពាហ៍ ស្ថិតនៅភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន។
៣-ឈ្មោះ ឈឿន រីឆាត ភេទប្រុស អាយុ២១ឆ្នាំ មុខរបរមិនពិតប្រាកដ ជនជាតិខ្មែរ សញ្ជាតិខ្មែរ ទីលំនៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន(មានផ្ទុកសារធាតុញៀន+)នៅចំណុចដីចំការមួយកន្លែង ស្ថិតនៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។ និង
៤-ឈ្មោះ ឈាន ស្រីពេជ្រ ភេទស្រី អាយុ២៣ឆ្នាំ មុខរបរមិនពិតប្រាកដ ជនជាតិខ្មែរ សញ្ជាតិខ្មែរ ទីលំនៅបច្ចុប្បន្នរស់នៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន(មានផ្ទុកសារធាតុញៀន+) នៅចំណុចអូរត្រែង ស្ថិតនៅភូមិទឹកផុស សង្កាត់ប៉ៃលិន ក្រុងប៉ៃលិន ខេត្តប៉ៃលិន។
ក្នុងពេលចុះទៅបង្រ្កាម សមត្ថកិច្ច បានដកហូតវត្ថុតាងមួយចំនួន រួមមាន ១-ថ្នាំញៀនប្រភេទម៉ាទឹកកក(ICE) ចំនួន២២កញ្ចប់(ធំ០១កញ្ចប់)ទម្ងន់ ៩,២៤ក្រាម សាច់ថ្នាំសុទ្ធ។ ២-ទូរស័ព្ទដៃចំនួន០៥គ្រឿង។ ៣-ម៉ូតូសេរីចាស់ចំនួន០៣គ្រឿង។ និង ៤-កាំបិតតាំងតោចំនួន០១ដើម។ បច្ចុប្បន្នកម្លាំងនគរបាលប្រឆាំងគ្រឿងញៀន នៃអធិការដ្ឋាននគរបាលក្រុងប៉ៃលិន កំពុងកសាងសំណុំរឿង បញ្ជូនទៅតុលាការតាមនីតិវិធី៕
