បាត់ដំបង៖ នគរបាលស្រុកបវេលឃាត់ខ្លួនជនសង័្សយចំនួន០១នាក់ឈ្មោះ ឈ្មោះ អៀង ខៀង ភេទប្រុស អាយុ៤២ឆ្នាំ រស់នៅភូមិខ្នាចរមាស ឃុំខ្នាចរមាស ស្រុកបវេល ខេត្តបាត់ដំបងពីករណីចែកចាយរូបភាព និងសម្ភារអាសអាភាសន៍ (លួចថតរូប ដាក់កាមេរ៉ាក្នុងបន្ទប់ទឹក) នាំមកកាន់អធិការដ្ឋាននគរបាលស្រុកដើម្បីសាកសួរស្រាវជ្រាវ។
ការឃាត់ខ្លួនជនសង្ស័យខាងលើនេះ ដោយអនុវត្តតាមយោបល់ដឹកនាំរបស់លោក សាត គឹមសាន ស្នងការនៃស្នងការដ្ឋានន គរបាលខេត្តបាត់ដំបង និងលោកស្រី រស់ ជីវី ស្នងការរងផែនការងារប្រឆាំងការជួញដូរមនុស្ស និងការពារអនីតិជន និងដឹកនាំដោយ សុខ សារិន អធិការនគរបាលស្រុកបវេល។
ស្នងការនគរបាលខេត្តបាត់ដំបបានឱ្យដឹងនៅថ្ងៃទី ១០ ខែមីនានេះ ថា កាលពីថ្ងៃទី២៤ខែ កុម្ភៈឆ្នាំ២០២៣ វេលាម៉ោងប្រមាណ ២១និង៣០នាទី ជនសង័្សយខាងលើ បានធ្វើសកម្មភាពលួចដាក់កាមេរ៉ាថតរូបអ្នកដទៃនៅក្នុងបន្ទប់ទឹក មួយនៅស្រុកបវេល ហេីយបានយករូបភាព នេះទៅចែកចាយបន្តនិងប្រព្រឹត្តិស កម្មភាពគំរាមកំហែងដល់ជនរងគ្រោះឱ្យធ្វេីតាមការបង្គាប់បញ្ជារបស់ខ្លួន។
បច្ចុប្បន្នករណីនេះ នគរបាលស្រុកបវេលបានឃាត់ ខ្លួននិងកសាងសំណុំរឿងបញ្ជូនមកការិយាល័យជំនាញអនុវត្តតាមនិតិវិធីច្បាប់៕