ភ្នំពេញ៖ ករណីគ្រោះថ្នាក់ចរាចរណ៏ដ៏រន្ធត់មួយបានកើតឡើងទាំងព្រឹកព្រលឹម ដោយរថយន្តធំសណ្ដោងទូកុងទឺន័រមួយគ្រឿងបានបើក បុកនិងកិនអូសម៉ូតូសិស្សសាលាប៊ែលធីជាច្រើនម៉ែត្រ ។
គ្រោះថ្នាក់ចរាចរណ៏នេះបានកើតឡើងនៅវេលាម៉ោង៧ជាងព្រឹក ថ្ងៃទី២៧ ខែឧសភា ឆ្នាំ២០២៣នៅ ស្ថិតនៅលេីផ្លូវវេងស្រេងមុខផ្សារកាណាសុីធី ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះឈ្មោះ ឆាន់ តុលា ភេទប្រុស អាយុ១៩ឆ្នាំ មុខរបរជាសិស្ស ស្នាក់នៅភូមិទ្រា៣ សង្កាត់ស្ទឹងមានជ័យ៣ ខណ្ឌមានជ័យ មានស្រុកកំណេីតនៅខេត្តកំពត។
ប្រភពពីកន្លែងកើតហេតុបានឱ្យដឹងថា មុនពេលកេីតហេតុគេបានឃេីញជនរងគ្រោះជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខកំពត1A-9922 ធ្វេីដំណេីរតាមបណ្តោយផ្លូវចោមចៅក្នុងទិសដៅពីលិចទៅកេីត ខណៈមកដល់ចំណុចកេីតហេតុស្រាប់តែមានរថយន្តកុងតឺន័រពាក់ស្លាកលេខភ្នំពេញ3E-1254 ធ្វេីដំណេីរមកពីក្រោយយ៉ាងលឿនហើយជ្រុលទៅបុកកិនអូសជនរងគ្រោប្រហែល២០ម៉ែត្របណ្តាលឱ្យស្លាប់ភ្លាមៗនៅកន្លែងកេីតហេតុយ៉ាងអាណោចអាធ័ម។
ក្រោយកើតហេតុ ប្រជាពលរដ្ឋបានជួយចាប់តៃកុងឡានប្រគល់ជូនសមត្ថកិច្ច ដើមប្បីយកទៅដោយស្រាយតាមផ្លូវច្បាប់ ឯសពជនរងគ្រោះត្រូវវបានសមត្ថកិច្ចប្រគល់ជូនគ្រួសារយកទៅធ្វើបុណ្យតាមប្រណី៕
