បាត់ដំបង៖ នគរបាលស្រុកសង្កែឃាត់ខ្លួនបុរសម្នាក់កំពុងជិះម៉ូតូមួយគ្រឿង ដែល រូបគាត់បានលួចយកពីក្រុងប៉ោយប៉ែត ខេត្តបន្ទាយមានជ័យ
កាលពីថ្ងៃទី០២ខែ ឧសភា ឆ្នាំ២០២៣ វេលាម៉ោង១២និង០០នាទីហេីយជិះមកខេត្តបាត់ដំបង។
ការឃាត់ខ្លួនជនសង្ស័យខាងលើនេះ ធ្វើឡើងនៅថ្ងៃទី ០២ ខែឧសភាឆ្នាំ២០២៣ វេលាម៉ោង ២១និង០០នាទី ក្នុងពេលលោក យុត តុងហូ អធិការនគរបាលស្រុកសង្កែ ដឹកនាំកម្លាំងក្នុងអង្គភាពធ្វេីសកម្មភាពល្បាតក្នុងភូមិសាស្រ្តទទួលខុសត្រូវនិងត្រួតពិនិត្យជាតិផ្ទុះ នៅចំណុចភូមិអូរមុនី១ ឃុំអន្លង់វិល ស្រុកសង្កែ ខេត្តបាត់ដំបង ស្រាប់តែប្រទះឃេីញបុរសម្នាក់ជិះម៉ូតូ ម៉ាកហុងដាឌ្រីម ស៊េរីឆ្នាំ២០១៥ ពណ៌ខៀវ ពុំមានស្លាកលេខ ហេីយពេលសមត្ថកិច្ចសុំពិនិត្យនិងសាកសួរបានដឹងថារូបគាត់ឈ្មោះ សុខ ឡាញ់ ភេទប្រុស អាយុ៤០ឆ្នាំ មានទីលំនៅភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង ក៏ធ្វើការឃាត់ខ្លួនតែម្តង។
ស្នងការដ្ឋាននគរបាលខេត្តបាត់ដំបង ឱ្យដឹងនៅថ្ងៃទី ៣ ខែឧសភាថា នៅពេលនេះសមត្ថកិច្ចនគរបាលស្រុកសង្កែធ្វេីកំណត់ហេតុសាកសួរនិងផ្តល់ព័ត៌មានទៅអធិការដ្ឋាននគរបាលក្រុងប៉ោយប៉ែត ដេីម្បីចាត់ចែងទទួលយកនិងកសាងសំណុំរឿង តាមនីតិវិធីច្បាប់៕