ភ្នំពេញ៖ លោក ម៉ប់ សារិន ប្រធានក្រុមប្រឹក្សារាជធានីភ្នំពេញបានស្នើឱ្យអាជ្ញាធរ បន្ដការងារ បង្ក្រាបបទល្មើស និងល្បែងស៊ីសងគ្រប់ប្រភេទឱ្យបានជាប្រចាំ អនុវត្តតាមបទបញ្ជារបស់ សម្តេចតេជោ ហ៊ុន សែន។
សំណើធ្វើឡើង ក្នុងកិច្ចប្រជុំសាមញ្ញលើកទី៤១ របស់ក្រុមប្រឹក្សារាជធានីភ្នំពេញ អាណត្តិទី៣ នាព្រឹក ថ្ងៃទី១២ ខែតុលា ឆ្នាំ២០២២នេះ បន្ទាប់ពី ប្រធានក្រុមប្រឹក្សារាជធានីភ្នំពេញ បានមើលឃើញថា កងកម្លាំងប្រដាប់អាវុធ និងអាជ្ញាធរ ខណ្ឌ សង្កាត់ បាន បង្ក្រាបល្បែងស៊ីសង ទីកន្លែងទិញ លក់ បញ្ចាំ ផលចោរកម្មនៅក្នុងរាជធានីភ្នំពេញកន្លងមក ទទួលបានលទ្ធផលល្អប្រសើរ ធ្វើឱ្យប្រជាពលរដ្ឋក្នុងរាជធានីភ្នំពេញ អបអរសាទរ គាំទ្រ និងមានប្រជាជន មួយចំនួនបានបាត់របស់ជាច្រើនឆ្នាំមកហើយ ប៉ុន្តែត្រូវបានរកឃើញមកវិញនៅក្នុងយុទ្ធនាការ បង្ក្រាបរបស់ អាជ្ញាធរ។
ចំពោះបទល្មើស និង ការលេងល្បែងស៊ីសង ដែលនៅសេសសល់ ប្រធានក្រុមប្រឹក្សារាជធានីភ្នំពេញរូបនេះ បានជំរុញឱ្យអាជ្ញាធរ បន្តការបង្ក្រាបឱ្យដូចភ្លៀងរលឹមដើម្បីធានាភូមិសង្កាត់មានសុវត្ថិភាព៕ ដោយ៖ គង់ សេដ្ឋាមុនី